Oʻzbekiston kasaba uyushmalari tarixi – bu bir yuz yigirma yildan ortiq vaqt davomida mehnatkashlar manfaati yoʻlidagi xizmat va unga gʻamxoʻrlik qilish tarixidir. Ushbu kitobda XX asr boshlaridagi birinchi ishchilar uyushmalaridan tortib to hozirgi kunga qadar mehnatkashlar huquqlarini himoya qilib kelayotgan zamonaviy kasaba uyushmalarining bir asrdan ortiq davrni qamrab olgan tarixi: mehnatkashlar huquq va manfaatlarini himoya qilish maqsadida ishlarni toʻxtatish va ish tashlashlarda ishtirok etish, mehnat sharoitlarini yaxshilash uchun kurashish, taʼlim va madaniyat tizimini shakllantirish, Ikkinchi jahon urushi davrida front va frontortini qoʻllab-quvvatlash, mamlakatni qayta tiklash, mustaqil Oʻzbekis¬tonni barpo etish va Yangi Oʻzbekiston davrida ijtimoiy himoya va jamoatchilik muloqoti institutini rivojlantirish toʻgʻrisida hikoya qilinadi.
      Kitob arxiv hujjatlari, voqealar ishtirokchilarining xotiralari va zamonaviy ilmiy tadqiqotlarga asoslangan. Ushbu nashr shunchaki muhim sanalar va voqealar solnomasi emas, unda oddiy insonlar – ishchilar, xizmatchilar, oʻqituvchilar, shifokorlar, dehqonlar taqdiri, adolat yuzasidan oʻz huquqlarini ilk bora himoya qilishga jurʼat etganlarning jasorati haqida bayon etilgan.
     Oʻz mamlakati tarixi bilan qiziqqan har bir inson mazkur kitobda kasaba uyushma¬lari harakati qanday vujudga kelgani, qanday qilib insonlarni birlashtiradigan, ularni qoʻllab-quvvatlaydigan, ijtimoiy taraqqiyotga koʻmaklashadigan fuqarolik jamiyatining eng muhim institutiga aylangani, qanday qilib bir asrdan koʻproq vaqt mobaynida mehnatkashlar himoyachisi boʻlish kabi asosiy vazifani hali-hanuz bajarib kelayotgani haqidagi savollarga javob topishi mumkin.